კოალიცია „ქართული ოცნების“ მერობის კანდიდატი ადგილობრივ არჩევნებში, დავით ნარმანია NDI-ს კვლევებთან დაკავშირებით კომენტარს აკეთებს. ნარმანიას განცხადებით კვლევის შედეგები მეორე ტურის პირობა არ არის:

"ჩვენ დიდი ხანია ღრმად ვართ დარწმუნებული ჩვენს შესაძლებლობებში და აქედან გამომდინარე ის შედეგები, რაც მოცემულია ჩვენთვის უცხო და ახალი არ არის. ის ადამიანები, რომლებიც ჯერჯერობით კითხვაზე პასუხს არ სცემენ, არიან ჩვენი პოტენციური მხარდამჭერები და როცა საარჩევნო კამპანია გადამწყვეტ ფაზაში შევა, სულ უფრო მეტად მოიმატებს ჩვენი რეიტინგი და მაჩვენებელი. ჩვენ ვიცით, რომ დამაჯერებელი და ძალიან მნიშვნელოვანი შედეგი გვექნება. ეს რეიტინგი არანაირი წინაპირობა არ არის მეორე ტურისა", - აღნიშნა დავით ნარმანიამ.