უმცირესობის წევრი დავით დარჩიაშვილი NDI-ის კვლევის შედეგებს ეხმაურება, სადაც პოლიტიკური რეიტინგებია წარმოდგენილი.

როგორც დარჩიაშვილმა „ნიუპოსტთან“ საუბარში განაცხადა, „ქართული ოცნების“ მერობის კანდიდატის 39% სახელისუფლებო რეიტინგით არის გამაგრებული.

„მთლიანობაში იზრდება იმედგაცრუება ხელისუფლებით. თუმცა ეს ეხლა იმ ნიშნულზე არ არის მისული, რომ ხელისუფლებამ სრულად დაკარგოს მხარდაჭერა. ნარმანიას რეიტინგი გამაგრებულია სახელისუფლებო რეიტინგით. ის, რომ მისი პიროვნული უნარ-ჩვევები შეუმჩნეველია საზოგადოებისთვის, ეს იმაზე მიუთითებს, რომ მისი რეიტინგი ბევრად ჩამორჩება გადასალახ ბარიერს. მეორე ტური გარდაუვალი ჩანს“, - განაცხადა დარჩიაშვილმა.

დარჩიაშვილს არ გაკვირვებია ის ფაქტი, რომ კვლევის მიხედვით თავდაცვის მინისტრს პრემიერზე მაღალი რეიტინგი აქვს.

„მე ვერ წარმომიდგენია პიროვნულად საჯარო ფიგურების იმიჯის არსში , რომ ღარიბაშვილს რაიმე დადებითი ახასიათებდეს საზოგადოებრივი ურთიერთობების დროს. იმდენად არაადეკვატური და არაკვალიფიციურია მისი გამოჩენა მედიაში, რომ მისი განცხადებები ახალგაზრდა პატიაშვილის განცხადებებს მაგონებს. ვისურვებდი მეტ პროცენტს დაენახა რასთან აქვთ საქმე. ალასანიას მაღალი რეიტინგი განპირობებულია იმით, რომ მისი განცხადებები უფრო ადეკვატური და მოზომილია ვიდრე ღარიბაშვილის“, - განაცხადა დარჩიაშვილმა.

NDI-ის კვლევის შედეგად გამოკითხულთა 67% თავდაცვის მინისტრს ირაკლი ალასანიას იწონებს. 64% ირაკლი ღარიბაშვილს, ხოლო, დავით უსუფაშვილის მოწონების მაჩვენებელი 61%-ია. ამავე კვლევის თანახმად, კახა კალაძის, ბიძინა ივანიშვილსა და დავით ბაქრაძეს ერთნაირი მოწონების მაჩვენებლები – 51%-51% აქვთ.