საგარეო საქმეთა მინისტრი ტელეკომპანია „რუსთავი 2“-ის გარშემო მიმდინარე მოვლენებს ეხმაურება. მაია ფანჯიკიძე დარწმუნებულია, რომ „ხელისუფლება ამ ფაქტს სერიოზულად ეკიდება”.

„დარწმუნებული ვარ, რომ ძალიან სერიოზულად ეკიდება ხელისუფლება ამ ფაქტს. იქ ძალიან ბევრი დეტალი და გარემოებაა გასათვალისწინებელი და როდესაც დასრულდება მოკვლევა, ამის შემდეგ იქნება შესაძლებელი განცხადებების გაკეთება და შეფასება“, – განაცხადა მაია ფანჯიკიძემ.

ტელეკომპანია "რუსთავი2"-ის გენერალური დირექტორის, ნიკა გვარამიასა და საინფორმაციო სამსახურის უფროს, ნინო შუბლაძის სამუშაო კაბინეტებში მოსასმენი მოწყობილობები აღმოაჩინეს. ჩანაწერები სავარაუდოდ გასული წლის ივნისშია გაკეთებული.