პარლამენტის ადამიანის უფლებათა კომიტეტის თავმჯდომარე ეკა ბესელია საპარლამენტო უმრავლესობის წინადადებას “რუსთავი-2”-ზე ფარული მიყურადების თაობაზე საპარლამენტო საგამოძიებო კომისიის შექმნის შესახებ არასერიოზულ უწოდებს.

"ეს მგონი ღმად არასერიოზული განცხადებაა, როდესაც არ იცი, რა უნდა მოითხოვო და ძალიან მიკვირს, გულწრფელად ვამბობ, მით უმეტეს, როდესაც „რუსთავი 2“–ის ხელმძღვანელობა აცხადებს, რომ გამოძიება ძალიან სწრაფ ტემპში დაიწყო და ძალიან ეფექტურად მუშაობენ, ამ ვითარებაში ასეთი კონტექსტიდან ამოვარდნილი განცხადება არ ვიცი რა არის. ლევან ბეჟაშვილს მინდა ვკითხო, ეს არის მარადიული სურვილი – საგამოძიებო კომისიებით შეგვახსენონ თავი, თუ არის ამაში რაიმე სამართლებრივი ლოგიკა. მე მესმის, საგამოძიებო კომისია შექმნილიყო მაშინ, როდესაც ადამიანების პირადი ცხოვრების შესახებ ათასობით ფაილი იქმნებოდა და როდესაც ეს ინფორმაცია ქვეყნდებოდა“,- აღნიშნა ეკა ბესელიამ.

პარტია „ერთიანი ნაციონალური მოძრაობა“ „რუსთავი 2“–ის ჟურნალისტებისადმი მიყურადების საქმის შესასწავლად საპარლამენტო კომისიის შექმნას მოითხოვს.