საქართველოს უშიშროების საბჭოს მდივნის, ირინა იმერლიშვილის ინფორმციით, თურქეთის პრეზიდენტთან შეხვედრის დროს სხვა საკითხებთან ერთად საუბარი კულტურულ მემკვიდრეობასაც შეეხო.

ირინა იმერლიშვილის თქმით, საუბარი შეეხო ოშკისა და იშხანის საკითხსაც.

"საქართველოს პატრიარქიც გახლდათ თურქეთში ვიზიტით ახლახან და მასთანაც მსგავსი პირობა განმეორდა", - აღნიშნა იმერლიშვილმა.

მისი თქმით "თბილისის სამიტი 2014"-ის ფარგლებში იყო საუბარი თავდაცვის სფეროში სამმხრივ, საქართველო-აზერბაიჯან-თურქეთს შორის თანამშრომლობაზე.

"სამხედრო თანამშრომლობა მიმდინარეობს, როგორც თურქეთთან, ისე აზერბაიჯანთან. ეს არის ორმხრივი ურთიერთობები. საუბარი იყო სამხედრო თანამშრომლობის სამმხრივ ურთიერთობაზე გადასვლაზე, სამხედრო თანამშრომლობის და თვადაცვის სფეროში. თავდაცვის სამინისტროები ძალიან აქტიურად თანამშრომლობენ, ოღონდ ჯერ ეს თანამშრომლობა არის ორმხრივ ფორმატში", -განაცხადა ირინა იმერლიშვილმა.