საქართველოს ექს-პრეზიდენტმა უკრაინის ერთ-ერთ ტელეარხზე სტუმრობისას უკრაინისა და საქართველოს პარალელებზე ისაუბრა.

მიხეილ სააკაშვილმა კიდევ ერთხელ აღნიშნა, რომ უკრაინის და საქართველოს მოვლენები ერთი ადამიანის გეგმის მიხედვით ვითარდებოდა.

„რომ არ ყოფილიყო საქართველოში 2008 წელი საერთაშორისო საზოგადოებას უფრო გაუჭირდებოდა იმის ახსნა და გაგება, რაც ახლა უკრაინაში ხდება. ის, რომ მსოფლიომ ესეთი სწრაფი რეაგირება მოახდინა იმ მოვლენების გამოა, რაც ჩვენთან მოხდა. ახლა კი უკრაინის მხარდაჭერა უფრო დიდია, ვიდრე ეს საქართველოს შემთხვევაში იყო. ეს აუცილებლად გახდება პუტინის დასასრული. ყველამ უნდა გაიგოს, რომ ეს არის უპერსპექტივო პოლიტიკა და პოლიტიკოსი. მას ნაკლები შესაძლებლობა აქვს ფართომასშტაბიანი შეჭრის განსახორციელებლად. რაც დრო გადის ამის ნაკლები შანსი რჩებათ. მისასალმებელია, რომ უკრაინელმა ძალებმა უფრო დამაჯერებლად დაიწყეს მოქმედება“, - განაცხადა მიხეილ სააკაშვილმა.