„რუსთავი 2“-ში მიმდინარე საგამოძიებო სამუშაოების შემდეგ აღმოჩენილი მტკიცებულებებით დასტურდება, რომ ტელეკომპანიაში ფარული აუდიო ვიზუალური თვალთვალი ნამდვილად მიმდინარეობდა“ , - ამის შესახებ „პოლიტიკის დროში“ ტელეკომპანია „რუსთავი 2“-ის გენერალურმა დირექტორმა ნიკა გვარამიამ განაცხადა.

თუმცა გვარამია ტელეკომპანიაში ჩატარებულ საგამოძიებო სამუშაოებთან დაკაშირებით დამატებითი დეტალების გამჟღავნებისგან თავს იკავებს.

„იმ მტკიცებულებებით, რომელიც აღმოჩენილია უტყუარად დასტურდება, რომ ჩვენს ოთახებში ფარული აუდიო ვიზუალური თვალთვალი მიმდინარეობდა. თუმცა ყველა დეტალს და საიდუმლოს ამ ეტაპზე ვერ გავამხელ“, - განაცხადა გვარამიამ.

მისი თქმით, ამ ეტაპზე პროკურატურასთან და საგამოძიებო უწყებასთან გვარამია წყაროს დასახელებას, თუ ვინ მიაწოდა ფარულ მოწყობილობებთან დაკავშირებით ინფორმაცია, არ აპირებს.