თავდაცვის მინისტრი ტელეკომპანია „რუსთავი 2“-ში მოსასმენი აპარატურის აღმოჩენის ფაქტს აშშ-დან ეხმაურება.

ალასანიას თქმით, უნდა ჩატარდეს გამოძიება და დაისაჯოს ყველა, ვისაც აღნიშნულ ფაქტში ბრალი მიუძღვით.

„ამას შეიძლება მხოლოდ ერთი შეფასება ჰქონდეს. უნდა ჩატარდეს გამოძიება და დაისაჯოს ვისაც ბრალი მიუძღვის. ეს იყო მავნე და ცუდი ჩვევა გასული ხელისუფლების დროს, რომელიც ჩვენი ხელისუფლების პირობებში ბოლომდე უნდა აღმოიფხვრას“, - განაცხადა ირაკლი ალასანიამ.

ტელეკომპანია "რუსთავი2"-ის გენერალური დირექტორის, ნიკა გვარამიასა და საინფორმაციო სამსახურის უფროსის, ნინო შუბლაძის სამუშაო კაბინეტებში მოსასმენი მოწყობილობები აღმოაჩინეს. ჩანაწერები სავარაუდოდ გასული წლის ივნისშია გაკეთებული.