აზერბაიჯანის პრეზიდენტმა ილჰამ ალიევმა საქართველო უკვე დატოვა, თურქეთის პრეზიდენტი აბდულა გიული კი ამ წუთებში რუსთაველის თეატრში სუხიშვილების კონცერტს ესწრება.

53 წლის ილჰამ ალიევი ქვეყანას მესამე ვადით ხელმძღვანელობს. ისტორიულ მეცნიერებათა დოქტორის ხარისხის მქონე ალიევი პოლიტიკაში წასვლამდე მოსკოვის საერთაშორისო ურთიერთობების ინსტიტუტში პედაგოგადაც მუშაობდა.

მოგვიანებით სტამბულში გადავიდა საცხოვრებლად და ბიზნესით დაკავდა. დიდ პოლიტიკაში ალევი მამის პრეზიდენტობის დროს მოხვდა. იყო მილი მეჯლისის წევრი.

2003 წელს ჰეიდარ და ილჰამ ალიევები საპრეზიდენტო არჩევნებზე კანდიდატებად დარეგისტრირდნენ. მაშინ ჰეიდარ ალიევმა კანდიდატურა შვილის სასარგებლოდ მოხსნა. ილჰამ ალიევს კი ამომრჩეველთა 80-მა პროცენტმა დაუჭირა მხარი. ალიევის მმართველობის პერიოდში ქვეყნაში ეკონომიკური ზრდაა, რომლესაც ენერგორესურსების ექსპორტი განაპირობებს.

64 წლის აბდულა გიული, თურქეთის პრეზიდენტი 2007 წლიდან არის. მას, წლების განმავლობაში თურქეთის პრემიერის, საგარეო საქმეთა მინისტრის და პრემიერის მოადგილის პოსტებიც ეკავა. მიუხედავად მკვეთრი ისლამურ-კონსერვატორული ღირებულებებისა, აბდულა გიული თურქეთის დასავლური კურსის აქტიური მხარდამჭერია.

პრეზიდენტის გატაცება ფეხბურთია. იგი სტამბულის საფხბურთო კლუბ "ბეშიქთაშის" აქტიური გულშემატკივარია.