,,პრემიერმა საზოგადოება უნდა დაარწმუნოს, რომ ეს არ იყო ხელისუფლების მაღალი პირების ბრძანება“

პოლიტიკა - 19:36, 06 May, 2014

2241

ედპ-ს ლიდერი ბაჩუკი ქარდავა ტელეკომპანია „რუსთავი 2“-ში მოსასმენი აპარატურის აღმოჩენის ფაქტს ეხმაურება.

როგორც „ნიუპოსტთან“ საუბარში ქარდავამ განაცხადა, ხელისუფლების მხრიდან მსგავსი დამოკიდებულება მედიაზე ზეწოლას ნიშნავს.

ედპ-ს ლიდერის თქმით, ამ ფაქტზე საზოგადოებას პრემიერმა უნდა უპასუხოს, რადგან მოსასმენი აპარატურა, სავარაუდოდ მისი შს მინისტრობის დროს არის დამონტაჟებული.

„მგონია, რომ თავისუფალ მედიაზე ესეთი დამოკიდებულება არის ზეწოლა. ასოცირების ხელშეკრულების დადების წინ ასეთი ფაქტის გახმაურება სახელმწიფოს უსაფრთხოების პრობლემებზე მეტყველებს. მოვისმინე კომენტარები, სადაც იყო წარსულზე აპელირება. ეს არის პროვინციალიზმი. არანაირი შეღავათი არ აქვს ქართველ ხალხს, რომ თუ გუშინ, რაღაც არ ვარგოდა, დღეს იგივე არ განმეორდება. რამდენადაც ვიცი ის დრო, რომელზეც ტელევიზიის ხელმძღვანელობა საუბრობს, ემთხვევა დღევანდელი პრემიერ-მინისტრის შინაგან საქმეთა მინისტრად ყოფნის პერიოდს. იმედი მაქვს, რომ დღევანდელი პრემიერი საზოგადოების შეკითხვებს უპასუხებს. მან უნდა მოახერხოს, რომ საზოგადოების უმცირესობა მაინც დაარწმუნოს იმაში, რომ ეს არ იყო ხელისუფლების მაღალი პირების ბრძანება“, - განაცხადა ბაჩუკი ქარდავამ