ვიცე-პრემიერი კახა კალაძე ანტიდისკრიმინაციულ კანონზე პატრიარქის განცხადებას ეხმაურება.

მისი თქმით, პარლამენტმა მოახერხა, რომ აღნიშნულ კანონპროექტთან დაკავშირებით ნაკლები წინააღმდეგობა ყოფილიყო.

“პატრიარქი ჩვენთვის ყველასთვის მნიშვნელოვანი ადამიანია, ამიტომ რთულია გავაკეთო რაიმე კონკრეტული განცხადება, თუმცა უნდა აღინიშნოს, რომ ანტიდისკრიმინაციული კანონპროექტზე, რომელიც პარლამენტმა მიიღო ძალიან დიდი ხნის განმავლობაში მიმდინარეობდა მუშაობა. ყველაფერი ისე გაკეთდა და ისე მოახერხა პარლამენტმა, რომ რაც შეიძლება ნაკლები წინააღმდეგობა ყოფილიყო და მასთან დაცული ყოფილიყო ყველას უფლება”, - განაცხადა კალაძემ.

დღეს საქართველოს კათოლიკოს-პატრიარქი ანტიდისკრიმინციული კანონის მიღებას გამოეხმაურა. მისი თქმით, ასეთ კანონს არცერთი მორწმუნე არ მიიღებს.