ხოშტარია ღარიბაშვილზე: ამეცადინეთ ეს ადამიანი

სოც.მედია - 17:29, 06 May, 2014

5083

ექსპერტი ელენე ხოშტარია სოციალური ქსელის მეშვეობით, პრემიერ ირაკლი ღარიბაშვილის მიერ „რუსთავი 2“-ის შესახებ გაკეთებულ განცხადებას ეხმაურება.

„კომიკურია ეს ადამიანი უბრალოდ :)) კაი აქ იტყვის ამ სისულელეს, დასავლეთთან რომ სერიოზულ პრობლემებს ვიქმნით მსგავსი მარაზმებით ჩვენ რა ვქნათ მერე, ჩვენ...

ერთი მერაბიშვილის გაყვანის მარაზმატიკული ახსნა "ჩაყლაპეს" და ეხლა ამას "ჩაგიყლაპავენ". ამეცადინეთ ეს ადამიანი“, - წერს ელენე ხოშტარია „ფეისბუქის“ საკუთარ გვერდზე.

ხოტარია პრემიერის მიერ გაკეთებულ კომენტარს გამოეხმაურა, სადაც ირაკლი ღარიბაშვილი დაინტერესდა, ვინ აღმოაჩინა “რუსთავი 2“-ში მოსასმენი მოწყობილობები.

“თქვენ გჯერათ ამის? ვინ აღმოაჩინა? “რუსთავი 2” აქტიურობს, ახალი იდეების და იმპროვიზაციის უნარი გაქვთ. ინიციატივებს იჩენთ. აქაც არის მემგონი ფარული კამერები”, - განუცხადა პრემიერმა “რუსთავი 2”-ის ჟურნალისტს.

ტელეკომპანია "რუსთავი2"-ის გენერალური დირექტორის, ნიკა გვარამიასა და საინფორმაციო სამსახურის უფროს, ნინო შუბლაძის სამუშაო კაბინეტებში მოსასმენი მოწყობილობები აღმოაჩინეს. ჩანაწერები სავარაუდოდ გასული წლის ივნისშია გაკეთებული.

დღესვე საქართველოს მთავარმა პროკურატურამ "რუსთავის 2"-ის განცხადებაზე გამოძიება საქართველოს სისხლის სამართლის კოდექსის 158-ე მუხლით, კერძო საუბრების, კომუნიკაციის საიდუმლოების დარღვევის ფაქტზე დაიწყო.