აზერბაიჯანის პრეზიდენტი ილჰამ ალიევი ინიციატივით გამოვიდა, მორიგი სამიტი აზერბაიჯანში ჩატარდეს.

"ჩვენ მივედით იმ აზრამდე, რომ ეს სამიტები იყოს რეგულარული ხასიათის და თუ წინააღმდეგი არ ხართ შემდეგი შეხვედრა ჩატარდეს აზერბაიჯანში და მე ვფიქრობ, ეს კიდევ ერთი მაგალითი იქნება ჩვენი მეგობრობის, ურთიერთთანამშრომლობის და ურთიერთპატივისცემის", - აღნიშნა აზერბაიჯანის პრეზიდენტმა თბილისში, პრეზიდენტის სასახლეში გამართულ ბრიფინგზე.

როგორც ალიევმა ქართველ და თურქ კოლეგებთან გამართული შეხვედრის დასრულების შემდეგ ერთობლივ ბრიფინგზე აღნიშნა, მნიშვნელოვანია არა მარტო წარსულის მიღწევები, არამედ არანაკლებ მნიშვნერლოვანია საუბარი მომავლის ტენდენციებზე, იმაზე თუ რისი განხორციელება იგეგმება მომავალში, რისი მიღწევა სურთ და შეუძლიათ.

"ჩვენ გვქონდა ძალიან მნიშვნელოვანი დებატები და დარწმუნებული ვარ, ეს იქნება შედეგის მომტანი საქართველოსთვის, აზერბაიჯანისთვის და თურქეთისთვის. აზერბაიჯანი, საქართველო და თურქეთი კიდევ ერთხელ ახდენენ მეგობრული ურთიერთობების დემონსტრირებას და ეს ძალზე მნიშვნელოავანია ჩვენი ქვეყნებისთვის. ის გამოცდილება რომელიც ჩვენ მივიღეთ იქნება ალბათ მისაღები და საინტერესო, სამაგალითო სხვა ქვეყნებისთვის. ამ თანამშრომლობის შედეგად თითოეულმა ქვეყანამ, მე ვფიქრობ, გამოიტანა ძალიან კარგი გაკვეთილები და სარგებელი ნახა", - განაცხადა ალიევმა.