უშიშროების საბჭოს მდივანი იმედოვნებს, რომ “რუსთავის 2”-ში მოსასმენი მოწყობილობების დამონტაჟების ფაქტი სწრაფად იქნება გამოძიებული.

ირინა იმერლიშვილი თქმით, მედია უნდა იყოს თავისუფალი და ამ პრინციპს მთავრობა აუცილებლად დაიცავს.

“ძალიან დიდი იმედს ვიტოვებ, რომ სასწრაფოდ იქნება გამოძიებული და დადგენილი რა მოწყობილობაზეა ლაპარაკი, ვინ დაამონტაჟა და ვინ დააყენა ეს ყველაფერი “რუსთავი 2”-ში. ჩვენი ქვეყანა, მთავრობა მხარს უჭერს მედიის დამოუკიდებლობას, ეს პრინიციპი ჩვენი ქვეყნისთვის უმნიშვნელოვანესია, რომელსაც აუცილებლად დავიცავთ. ძალიან კარგია, რომ თავად “რუსთავი 2”-ის გენერალურმა დირექტორმა ბოდიში მოიხადა ფარულ ჩანაწერებში მონაწილეობასთან დაკავშირებით, ამ ქვეყანაში არასოდეს განმეორდება ის, რომ ხელისუფლება ამკვიდრებდა ფარული ჩანაწერების ასეთი დოზით გადაღებას და მერე გავრცელებას”, - განაცხადა იმერლიშვილმა.