ხაჩიძე: "ჰაკიმ ფაშამ გამოთქმა: ასი თვალი და ასი ყური პირდაპირი გაგებით გაიგო"

პოლიტიკა - 14:17, 06 May, 2014

3211

საპარლამენტო უმცირესობის წევრი გოგა ხაჩიძე ტელეკომპანია „რუსთავი 2“-ში მოსასმენი მოწყობილობების აღმოჩენის ფაქტს ეხმაურება.

„როგორც ჩანს, ჰაკიმ ფაშამ გამოთქმა: ,,ასი თვალი და ასი ყური" პირდაპირი გაგებით გაიგო, თუმცა ასიც ცოტაა ალბათ. იმდენი მოსასმენი საშუალებებია მთელს ქვეყანაში გადანაწილებული, თანამედროვე საშუალებებში ას თვალსა და ას ყურს ცოტა ტექნოლოგიური ფორმა აქვს და ამიტომ პოულობენ ფარულ ვიდეოკამერებს, ჩანაწერებს, მოსასმენ საშუალებებს და ა.შ. მეტი რანაირად უნდა დასაბუთდეს ამ ქვეყანაში, რომ მართლა ყველას გვისმენენ და ეს მართალა ყველას შეეხო და საყოველთაო ჯანდაცვის მაგივრად მივიღეთ საყოველთაო მოსმენები და ჩანაწერები.

თუ დროზე მიხვდება მთავრობა, რომ როგორც სირაქლემა, ისეც ვეღარ ინარჩუნებს უკვე ფორმას და რაღაცა განსაკუთრებულ მდგომარეობაშია, რომ ფაქტებზე ამბობს უარს და აღარ იცის რა კომენტარი გააკეთოს და ერთადერთი რჩება ის, რომ აი მათ დროს ისმენდნენ და... ცუდი იყო, საშინელება იყო, ამაზე ბოდიში მოიხადა ხალხმა, ეს დასაგმობია ყველასი ერთად და თუ გვეჯიბრებიან იმაში, ჩვენ უფრო ბევრს ვუსმენდით, თუ ისინი უფრო ბევრს უსმენენ, მაშინ თითს ვკაკვავთ - დამარცხებულები ვართ, გაცილებით ფართო მასშტაბებით არის ახლა მოსმენებიც, ჩაწერებიც და თუ დროზე შეწყვეტენ ამას და დროზე გახდებიან ადეკვატურები, კარგი იქნება თუ არა და ის დაემართებათ, რაც ემართებათ ხოლმე ზოგადად ისეთ ხელისუფლებას, რომლებიც მსგავს გზაზე დგებიან, საკუთარი გამოცდილებით ვეუბნები ამას“,-განაცხადა გოგა ხაჩიძემ.

ტელეკომპანია "რუსთავი2"-ის გენერალური დირექტორის, ნიკა გვარამიასა და საინფორმაციო სამსახურის უფროს, ნინო შუბლაძის სამუშაო კაბინეტებში მოსასმენი მოწყობილობები აღმოაჩინეს. ჩანაწერები სავარაუდოდ გასული წლის ივნისშია გაკეთებული.