საქართველოს კათოლიკოს-პატრიარქი უწმინდესი და უნეტარესი ილია მეორე ანტიდისკრიმინაციული კანონის მიღებას ეხმაურება. მისი თქმით, არც ერთი მორწმუნე ადამიანი ასეთ კანონს არ მიიღებს.

"როგორ შეიძლება უკანონობა დააკანონო. უკანონობის დაკანონება დიდი ცოდვაა და სწორედ ამის შესახებ ვთქვი მე და რომ არ მეთქვა, ის იქნებოდა გასაკვირი და საოცარი. მე ვალდებული ვარ, უნდა ვთქვა. არც ერთი მორწმუნე ადამიანი არ მიიღებს ასეთ კანონს. მე მინდა ვთქვა, რომ გავა დრო, როცა ჩვენ თვითონ გაგვიკვირდება თუ, როგორ იყო მიღებული ეს კანონი. მე შევთხოვე უფალს, რომ უფალმა შეგვინდოს შეცოდებანი ჩვენი, ნებსით და უნებლიეთ. ღმერთი მოწყალეა და ღმერთი გვაპატიებს ჩვენს ცოდვებს", - ბრძანა პატრიარქმა.

ანტიდისკრიმინაციული კანონპროექტი პარლამენტმა გასულ კვირას მიიღო.