საქართველოს პარლამენტის ვიცე-სპიკერი მანანა კობახიძე ტელეკომპანია „რუსთავი 2“-ის ირგვლივ მიმდინარე მოვლენებთან დაკავშირებით კომენტარს აკეთებს. კობახიძე აღნიშნავს, რომ შესაბამისმა ორგანოებმა შექმნილ ვითარებაზე დაუყოვნებლივ რეაგირება უნდა მოახდინონ და უნდა მოხდეს ფაქტის გამოძიება:

„რაღაც ათასობით ბრიფინგი რომც არ იყოს, მაინც ჩატარდება გამოძიება და ნებისმიერ შემთხვევაში ხელისუფლება ვალდებულია დაიცვას ნებისმიერი პირის პირადი სივრცის ხელშეუხებლობა, მათ შორის საუბარია მედიის დამოუკიდებლობაზე.

ამიტომ, ეს საქმე უნდა იყოს გამოძიებული რა თქმა უნდა, საინტერესოა როგორ გაჩნდა, ვინ დაამონტაჟა, ამიტომ გამოძიება უნდა ჩატარდეს, მაგრამ განსაკუთრებული აჟიოტაჟი სამწუხაროა იმ ტელევიზიისგან, რომელიც ნამდვილად არაფერს არ ამბობდა, როდესაც ათასობით ადამიანს უსმენდა სწორედ ის შსს და არანაირი წუხილები ამ ტელევიზიის მხრიდან არ გამოთქმულა, რომელიც ფაქტობრივად ტირაჟირებდა იმ პროპაგანდას, რასაც ხელისუფლება თავის დროზე უკვეთავდა. სამწუხაროა, მაგრამ ასე იყო, ზედმეტი აჟიოტაჟი ამის ირგვლივ გაუგებარია, მაგრამ უნდა იყოს გამოძიებული იყო ეს შსს-სგან დამონტაჯებული თუ ეს ყოველივე სხვა პირის ინტერესებში შედიოდა“, - განაცხადა მანანა კობახიძემ.