საიას თავჯდომარე კახა კოჟორიძე „რუსთავი 2“-ში მოსასმენი მოწყობილობების აღმოჩენის ფაქტს ეხმაურება. კოჟორიძის თქმით, მომხდარ ფაქტში ორი პრობლემაა - თუ რატომ ხდება თვალთვალი და მეორე, შს სამინისტროდან ინფორმაცია ჟონავს და მას დაცვა სჭირდება.

"როგორც გავიგეთ, "რუსთავი 2"-ის ხელმძღვანელობის მიმართ ფარული მასალების წყარო შს სამინისტროს კონკრეტული თანამშრომელია. როგორც ჩანს, მოპოვებულ ინფორმაციასაც სჭირდება დაცვა და სხვა საკითხია კანონიერად არის ინფორმაცია მოპოვებული, თუ უკანონოდ აღნიშნული ინფორმაცია. ვინ და რა მიზნით, რატომ გამოიყენებს ამ ინფორმაციას, ეს არის ცალკე თავის ტკივილი. იმედი მაქვს, რომ ხელისუფლება სისტემურად მიუდგება ამ საკითხს, რაც შედის, როგორც მედიის, ასევე სახელმწიფოს ინტერესებში", - განაცხადა კახა კოჟორიძემ და აღნიშნა, რომ "რუსთავი 2"-თან დაკავშირებულ მასალების გამოვლენის შემდეგ აუცილებელია გამოძიება.

ტელეკომპანია "რუსთავი2"-ის გენერალური დირექტორის, ნიკა გვარამიასა და საინფორმაციო სამსახურის უფროს, ნინო შუბლაძის სამუშაო კაბინეტებში მოსასმენი მოწყობილობები აღმოაჩინეს. ჩანაწერები სავარაუდოდ გასული წლის ივნისშია გაკეთებული.