ახალგაზრდა იურისტთა ასოციაცია საყდრისი-ყაჩაღიანის არქეოლოგიურ ობიექტთან დაკავშირებით სისხლის სამართლის აღძვრას ითხოვს.

ამასთან დაკავშირებით, საიას იურისტები ოფიციალური წერილობითი ფორმით მთავარ პროკურატურას მიმართავენ.

„მიმართვა, რომელიც შედის პროკურატურაში ეხება საყდრისი-ყაჩაღიანის არქეოლოგიურ ობიექტზე მიმდინარე წლის იანვარში და მარტის თვეში გამოვლენილი კონკრეტული სამართალდარღვევის ფაქტზე გამოძიების დაწყება აუცლებელია. სტუდია "მონიტორის" ვიდეოკადრები არის იმის საფუძველი, რომ დაიწყოს გამოძიება არქეოლოგიური ობიექტის დაზიანების ფაქტზე“, - აცხადებს საია-ს წევრი სულხან სალაძე.

საქართველოში იმყოფებიან კულტურისა და ძეგლთა დაცვის სამინისტროს მიერ მოწვეული ბულგარელი და გერმანელი ექსპერტები, თუმცა საყდრისის გადარჩენის კომიტეტმა მათ უნდობლობა გამოუცხადა და ისინი საერთაშორისო კომისიის შექმნას ითხოვენ.