საქართველოს თავდაცვის მინისტრის თქმთ, აშშ–ში ვიზიტისას ის ორ საკითხზეა კონცენტრირებული – საქართველოს თავდაცვითი უსაფრთხოების გაზრდა და ნატო–ში გაწევრიანება.

ირაკლი ალასანია ამბობს, რომ აშშ-მ და ნატო-მ უფრო სწრაფი ნაბიჯები უნდა გადადგას, რომ საქართველო მალე გახდეს ალიანსის წევრი.

„მე მთავრობის დავალებით კონცენტრირებული ვარ ორ საკითხზე – თავდაცვითი შესაძლებლობების გაზრდა, იმიტომ, რომ საქართველოს სტრატეგიულ ურთიერთობებში ამერიკასთან ყველაზე დიდი და სოლიდური ფრთა სწორედ თავდაცვით და უსაფრთხოების საკითხებს უკავია; მეორე კი ნატო–ში გაწევრიანებაა. აღნიშნულ კონტექსტში, რაც დღეს უკრაინაში ხდება, აჩვენებს, რომ უფრო სწრაფი, ეფექტური ნაბიჯები უნდა გადადგას ამერიკის შეერთებულმა შტატებმა და ნატო–მ, რომ საქართველო ძალიან მალე გახდეს ალიანსის წევრი ქვეყანა“,– განაცხადა ირაკლი ალასანიამ აშშ-ში ვიზიტის დროს.