ევროპულ და ევროატლანტიკურ საკითხებში სახელმწიფო მინისტრი ალექსი პეტრიაშვილი არ იზიარებს იმ მოსაზრებას, რომ საქართველოს ყოფილი პრემიერ-მინისტრი ბიძინა ივანიშვილი პოლიტიკაში ახლაც ერევა.

“ვერ გავიზიარებ იმ მოსაზრებას, რომ ყოფილი პრემიერ-მინისტრი პოლიტიკაში ახლაც ერევა. მე სამწუხაროდ, არ მქონია მასთან საქმიანი კომუნიკაცია მას შემდეგ, რაც მან პოლიტიკა დატოვა, ისევე, როგორც ჩემი კოლეგების აბსოლუტურ უმრავლესობას. შესაბამისად, რაიმე გადაწყვეტილებაში მისი მონაწილეობა თითოდან გამოწოვილი, კონსპირაციული თეორიაა”, - აკ კომენტარით შეაფასა პეტრიაშვილმა, NDI-ის კვლევის ის ნაწილი, რომლის მიხედვითაც ბიძინა ივანიშვილი პოლიტიკაში ერევა.

NDI-ის კვლევის თანახმად, 62% მიიჩნევს, რომ ბიძინა ივანიშვილი ხელისუფლების საქმიანობაზე გადაწყვეტილების მიმღებ პირად რჩება.