უმრავლესობის წევრი ვახტანგ ხმალაძე NDI-ის კვლევებს ეხმაურება. მისი თქმით, სასიხარულოა, როცა ევროკავშირთან დაახლოების მსურველთა რიცხვი იზრდება.

ხმალაძე მიიჩნევს, რომ თუ იმ ადამიანების რაოდენობამ იკლო, რომლებიც ფიქრობენ, რომ საქართველოში დემოკრატიაა, ე.ი. ხელისუფლება საზოგადოებას ინფორმაციას სწორად ვერ აწვდის.

“მე ძალიან მახარებს, რომ გაიზარდა ევროკავშირთან და ნატო-სთან დაახლოების მომხრეთა რაოდენობა. რაც შეეხება მეორეს, ეს ასე არ არის. საზოგადოებას ასე მიაჩნია, ე.ი. ხელისუფლების მოქმედებას საზოგადოება ასე აღიქვამს ანუ ხელისუფლება მას სათანადოდ ვერ აწვდის ამას”, - განაცხადა ხმალაძემ.

NDI-ის კვლევის თანახმად, კითხვაზე _ არის თუ არა საქართველოში ამჟამად დემოკრატია, 46% პასუხობს, რომ დიახ, 41% - არა, 13%-მა – არ იცის.