NDI-ის საქართველოს ოფისის დირექტორის ლუის ნავაროს ინფორმაციით, ამჟამინდელი ხელისუფლება მიიჩნევა ერთადერთ ძალად, რომელიც მოსახლეობის აზრით, მათთვის მნიშვნელოვან ცვლილებებს განახორციელებს.

მისი თქმით, მოსახლეობის დიდი ნაწილი მიიჩნევს, რომ საქართველო სწორი მიმართულებით ვითარდება, თუმცა, წინა კვლევასთან შედარებით ეს პროცენტული მაჩვენებელი დაკლებულია.

"თუმცა, კოალიცია "ქართული ოცნება" და ამჟამინდელი ხელისუფლება მიიჩნევა ერთადერთ ძალად, რომელიც მოსახლეობის აზრით, განახორციელებს მათთვის მნიშვნელოვან ცვლილებებს", - განაცხადა ნავარომ.

მისი განმარტებით, ამ ეტაპზე მოსახლეობა არც საპარლამენტოს და არც არასაპარლამენტო ოპოზიციას არ მიიჩნევს ძალად, რომელიც შეძლებს მათთვის მნიშვნელოვანი ცვლილებების განხორციელებას.

"ასევე გაზრდილია იმ ადამიანების მაჩვენებელი, ვისაც არ მოსწონს საქართველოს ამჯამინდელი ურთიერთობა რუსეთთან. ეს ნეგატიური დამოკიდებულება რუსეთთან მიმართებაში ალბათ, ყირიმში მიმდინარე მოვლენებით არის გამოწვეული, რაც მოსახლეობას ასევე არ მოსწონს, თუმცა აქვე მოსახლეობის დიდი ნაწილი აცხადებს, რომ დიალოგის მომხრეა და ვლადიმერ პუტინისა და გიორგი მარგველაშვილის შეხვედრის შესახებ შესაძლო დისკუსიებს ეთანხმება", - აღნიშნა ლუის ნავარომ.