NDI- ის მიერ ჩატარებული კვლევის მიხედვთ, გამოკითხულთა 45% ინფორმირებულია იმის შესახებ, რომ "ეს შენ გეხებას" კამპანიაში ჩართული არასამთავრობო ორგანიზაციები საკანონმდებლო ცვლილებებს ითხოვენ, რათა აიკრძალოს ძალოვანი სტრუქტურების მიერ შესაძლო უკანონო მოსმენა და თვალთვალი.

გამოკითხულთა მხოლოდ 10% მიიჩნევს, რომ ეს კამპანია მიუღებელია, 62% კი ამ კამპანიას ამართლებს.

იმ ადამიანთა ყველაზე დიდი რიცხვი, ვინც "ეს შენ გეხება – ისევ გვისმენენ" კამპანიას ემხრობა აღმოსავლეთ საქართველოში დაფიქსირდა, სადაც მომხრე 75%–ია, ხოლო მოწინააღმდეგე 7%. დასავლეთ საქართველოში კი კამპანიის მომხრე 52%–ია, ხოლო მოწინააღმდეგე 12%.

კვლევის ფარგლებში გამოიკითხა 3 942 ადამიანი, ყველა მათგანი პირისპირი ინტერვიუს მეთოდით გამოიკითხა. კვლევის ცდომილება +/– 2.1%–ია.