ე.წ. კანონიერი ქურდის ლაშა შუაშანაშვილის ქართველი ადვოკატი ნანი ფრიდონაშვილი მისი დაცვის ქვეშ მყოფზე და დათა ახალაიაზე გაზეთ „ვერსიასთან“ საუბრობს.

- ბერძნულ მხარესთან აქტიური კავშირი გაქვთ და დათა ახალიაზე რა იცით?

"ბერძნული გამოცემა „კათიმერონისა“ და ჟურნალისტის - ტასოს ტელოღლუს ინფორმაციით, ახალაიას მიზანმიმართულად შეცდომაში შეჰყავდა საბერძნეთის სამართალდამცველები, როდესაც სხვა ბევრ ტყუილსა და დღევანდელ ხელისუფლების დადანაშაულებასთან ერთად, აცხადებდა რომ მისი ძმა, საქართველოს თავდაცვის ყოფილი მინისტრი ბაჩანა ახალაია მსჯავრდებული და ე.წ. მატროსოვის ციხის პატიმარია. ამავე გამოცემის თანახმად, დათა ახალაია 2014 წლის 26 მარტს პატრასში დააკავეს და პატრასის სასამართლომ დანაშაულისათვის, რაც ყალბი დოკუმენტაცის გამოყენებაში გამოიხატა, მიუსაჯა თავისუფლების აღკვეთა 40 დღით. ბერძნული მედია აქტიურად ახსენებდა ვინმე აკოს, რომელიც ჩემი აზრით აკაკი მინაშვილია. უფროსი ახალაიაც იქ არის და თურმე დათას მხარდამჭერი ქართული დელეგაცია გაოცებულია, ბერძნებმა მისი ნახვის უფლება, რომ არ მისცეს. აქ ხომ ჯგუფ-ჯგუფად დადიოდნენ ბაჩოსთან ციხეში და იქაც ეგონათ, რომ უნდა შეეშვათ. ყველაფერი ეს ცოტა არ იყოს ღიმილისმომგვრელია. როგორც ჩანს, როლანდ ახალაიას საბერძნეთი სამეგრელოში აერია, სადაც თავის დროზე ყველაფერს თავად წყვეტდა და აგვარებდა",-ამბობა ადვოკატი ნანი ფრიდონაშვილი.