გივი თარგამაძე პრემიერზე: "ეხლა ვხვდები, რისი ეშინია პატარა ბიჭს"

სოც.მედია - 19:35, 04 May, 2014

5858

"კოდუასთან დაკავშირებით რა მოხდა?

როგორც იქნა მივხვდი. მრავალი თვეა ვერ გავიგე, რა ხდება ჩემს მეზობლად, სადაც ჩემდა და მოსაშვილის ქუჩის სხვა მობინადრეთა საუბედუროდ, საცხოვრებლად გადმოვიდა ჩვენი ქვეყნის პრემიერ-მინისტრი, პატარა ბიჭი, მეტსახელად ჰაკიმ-ფაშა.

მისმა მესვეურებმა იმთავითვე დაიწყეს აქ დაცვის ფორპოსტის შექმნა, საბოლოოდ კი, ამწეკრანების და სხვა სამშენებლო ტექნიკის გამოყენებით, ააშენეს მრავალოჯახიანი კორპუსის ძირში ერთგვარი ფორტი. აქ დგას უზღვავი რაოდენობისა და მრავალი ნაირსახეობის დაცვა.

ბიჭები, რომლებსაც საზოგადოება ხედავს, ჩაცმულები არიან ზუსტად შავნაბადას ბატალიონის ფორმაში, თუმცა იძახიან, რომ კერძო ფირმის წარმომადგენლები არიან. ზოგჯერ მოდიან სატვირთო მანქანით, დილის ექვს საათზე, სრული საბრძოლო ამუნიციით, ავტომატების ჩათვლით და ირკვევა, რომ თურმე პატარა ირაკლის სანადიროდ მიჰყვებიან ხოლმე.

ჟურნალისტები თუ მოდიან, სულ სხვადასხვაფორმიანები იწყებენ ფუსფუსს. ხაჩიძე თუ მიტინგს აანონსებს, მთელი თბილისის პოლიცია აქ ჩნდება, რომელსაც, შსს-ს განცხადების საწინააღმდეგოდ, დაცვასთან არაფერი ესაქმება. და ამის მიუხედავად, ბიჭის გასვლისა და შემოსვლის დროს თბილისის საპატრულო სამსახურის უფროსი ყოველდღე აქ დგას, მიუხედავად იმისა, რომ ამ დროს პერიმეტის დაცვას გერმანული ნაგაზებითა და ლაბრადორებით აკონტროლებენ.

საღამოს, ბიჭის სადარბაზოში შესვლისას გარე განათებას აქრობენ, ბავშვის გამოყვანისას რომაულ სტილში დერეფანს აწყობენ, ლიფტს მუდმივად ფაშას სართულზე აჩერებენ და აღშფოთებულ მეზობელს შსს-დან მინისტრის მოადგილის სახით ურეკავენ და პრეტენზიების მოთოკვუსკენ მოუწოდებენ.
ასეთი ქმედებების წარმოების არეალი მათი უკიდეგანოა. მე მართლა არ მესმოდა, რატომ, ვის ემალებიან. ეხლა მივხვდი. სიტუაციაში, როდესაც (დარწმუნებული ვარ), ყაჩაღმა გელაშვილმა და ყაჩაღმა სახელმწიფომ თხოვეს ახლობელ ჩვეულებრივ ყაჩაღ ნოშიკოს (და არა არარსებულ ბიზნესმენ ნოშრევან ნამორაძეს), შეესრულებინა მათი სურვილი, მოეხდინა ირსკლი კოდუას ძმის, დათო კოდუას სსკუთარი ბავშვის თვალწინ სიკვდილისპირამდე ცემა, ამ ქმედების გაპრავების სანაცვლოდ, რათა ირაკლი კოდუა დააშანტაჟონ. ეხლა ვხვდები, რისი ეშინია პატარა ბიჭს: თუ სახელმწიფო ამბობს, რომ პირადი ანგარიშსწორება მოსულა, მაშინ ის მოსულა ყველას მიმართ, განურჩევლად წარმომავლობის, ავტორიტეტის და რაც მთავარია, თანამდებობრივი მდგომარეობისა."