მიხეილ სააკაშვილი - უკრაინელებო თქვენ უკან დასახევი არ გაქვთ

პოლიტიკა - 18:52, 02 May, 2014

2571

საქართველოს ექს-პრეზიდენტი უკრაინის აღმოსავლეთში განვითარებულ მოვლენებს ეხმაურება და უკრაინელ ხალხს მოუწოდებს უკან არ დაიხიონ.
სააკაშვილის თქმით, ხალხის სიმტკიცე „პუტინის გეგმას ჩაშლის და ავტომატურად გააღვიძებს თავისუფალ სამყაროს“..
„მებრძოლების წინ წამძღვარებული სამოქალაქო პირები, პუტინის გეგმის ნაწილია, როგორც ეს თავადვე თქვა. საჭიროა მოქმედება, როგორც ხორვატები მოქმედებდნენ მილოშევიჩის წინააღმდეგ, თავდაპირველად უნდა მოეწოდოს მშვიდობიან ხალხს, რომ სახლში დარჩეს, შემდეგ გამაფრთხილებელი გასროლა ჰაერში და შემდეგ ყველა ითვლება საბრძოლო მოქმედების მომაწილედ. ერთი-ორჯერ ასე მოქცევა და გზების გადაკეტვის სურვილიც გაქრება.
უკრაინელებო თქვენ უკან დასახევი არ გაქვთ, თქვენ შეიძლება ყველაფერი დაკარგოთ! გადამჭრელი ნაბიჯების ახლა არ გადადგმამ, მოგვიანებით, შეიძლება მასობრივი სისხლისღვრა, ასევე ,თავდაპირველად, ინდუსტრიული უკრაინის, უფრო ზუსტად, ეკონომიკური პერსპექტივის, შემდეგ კი სახელმწიფოებრიობის დაკარგვა გამოიწვიოს. აღმოსავლეთში ხალხის უმრავლესობა ჯერჯერობით უკრაინის მხარესაა, მაგრამ ნებისმიერი სისუსტე მათ სხვა მხარეს გადახრის, ასე რომ საჭიროა თავისუფლების მტრების წინააღმდეგ მოქმედება, ჩვენი ბავშვების მომავლისათვის, რომ ჩვენმა ბავშვებმა ვერაფერი დაგვძრახონ და პირიქით, მადლიერები იყვნენ, რომ არ ვყოყმანობდით, როდესაც მათი ბედი წყდებოდა. აქამდე ყველაფერი პუტინის გეგმით მიდიოდა, რომელიც უკრაინისა და დანარჩენი მსოფლიოს გადაუწყვეტელობაზე გათვალა, ასე რომ უკრაინის სიმტკიცე პუტინის გეგმას ჩაშლის და ავტომატურად გააღვიძებს თავისუფალ სამყაროს, რათა გაცილებით ქმედითად ჩაებას უკრაინის გვერდში დასადგომად“, - წერს სააკაშვილი „ფეისბუქის“ პირად გვერდზე.