როგორც გიგაურმა "პირველ პრესკლუბში" გამართულ პრესკონფერენციაზე განაცხადა, მას ესმის, თუ რატომ არ ახსოვს კალაძეს არასამთავრობო ორგანიზაციების აქტივობები წინა წლებში:

"რაც შეეხება ბატონი კალაძის განცხადებას, მე ვხვდები, რატომ არ ახსოვს მას არასამთავრობო სეტქორის აქტივობები მოსმენებთან დაკავშირებით. ეს აქტივობა პირველად ჯერ კიდევ რამდენიმე წლის წინ დაიწყო, როდესაც იყო კამპანია "ნუ გვისმენთ". ამ დროს ბატონ კალაძეს ნამდვილად არ აინტერესებდა ქვეყანაში ადამიანის უფლებების მდგომარეობა, რადგან ძალიან კარგი ურთიერთობა ჰქონდა მაშინდელ ხელისუფლებასთან და წარმატებულ ბიზნესს ახორციელბდა მათთან ერთად. შესაბამისად, მესმის, რომ მას არ ახსოვს, როგორ მიმდინარეობდა ასეთი აქტივობები სამოქალაქო სექტორში", - აღნიშნა ეკა გიგაურმა.

"მინდა ვკითხო ამ ადამიანებს და ორგანიზაციებს - რატომ იყავით ჩუმად ეს წლები? სად იყო თუნდაც მოძრაობა „ეს შენ გეხება“, სად იყო ანალოგიური აქტივობა?! ჩვენი გუნდი - ჩემი მეგობრები, ქართული ოცნება, მუდამ გამოვდიოდით არა მარტო ფიზიკური, არამედ მორალური და ფსიქოლოგიური ძლადობის წინააღმდეგაც", – განაცხადა კახა კალაძემ.