ჟურნალისტი ალეკო ელისაშვილი საბურთალოს რაიონში დამოუკიდებელ მაჟორიტარ კანდიდატად იყრის კენჭს.

ელისაშვილმა ამის შესახებ გადაცემა "ბარიერში" განაცხადა და მაყურებელს დაემშვიდობა. მისი თქმით, საზოგადოების წინაშე ახალი ამპლუით წარსდგება.

"დღეს მე ამით გემშვიდობებით, "კავკასიაში" წამყვანად ვეღარ მიხილავთ. ბევრი ვიფიქრე თუ ცოტა ვიფიქრე, გადავწყვიტე, სხვა ამპლუით წარვსდგე საზოგადოების წინაშე. რამდენიმე დღეში უფრო წვრილად ვიტყვი, რას, როგორ, რანაირად ვაპირებ. ვაპირებ, ჩავერთო თვითმმართველობის არჩევნებში, ხოლო როგორ და რა ფორმით, დეტალურად რამდენიმე დღეში ვისაუბრებ", - განაცხადა ელისაშვილმა.

თუმცა მისივე თქმით, შეწყალების კომისიაში ისევ იქნება.