ნიკა რურუა: "ნინო ბურჯანაძე მორიგ უტიფარ ტყუილს ამბობს“

პოლიტიკა - 09:53, 02 May, 2014

2306

„ნინო ბურჯანაძე ცილისწამებლურ განცხადებას ავრცელებს და ამის გამო მას ევროპის დედაქალაქებში მოგზაურობა უნდა აეკრძალოს“, - აცხადებს ნიკა რურუა სოციალურ ქსელში. მის ამ განცხადებას უამრავი ეხმაურება, მათი თქმით ყველაზე ამაზრზენი ის არის რომ ბურჯანაძე ამ ტყუილით ხალხზე აპირებს ზემოქმედებას. „უბედურებაა როცა მის აბსურდულ განცხადებებს იჯერებენ და ცდილობენ სხვებსაც დააჯერონ“...

ნიკა რურუა: „ნინო ბურჯანაძე მორიგ უტიფარ ტყუილს ამბობს პირდაპირ ეთერში, როცა აცხადებს რომ „ზოგიერ ევროპულ ქვეყანაში ინცესტი დაკანონებულია“. ეს გაუგონარი ტყუილი და პუტინური პროპანგანდის აქაური გამოვლინებაა: ინცესტი, ისევე როგორც პედოფილია მთელს ევროკავშირში სისხლის სამართლის დანაშაულია, როგორც ეს უნდა იყოს.

იმედია ევროკავშირის ელჩსა და თითოეული ევროპული ქვეყნის ყველა ელჩს შეატყობინებენ ამ ცილისმწამებლურ განცხადებას, რომელიც ევროპას მიზანმიმართულად და შეგნებულად უკეთებს დისკრედიტაციას საქართველოში და ამ ტიპაჟს (ნ. ბურჯანაძეს) ევროპის დედაქალაქებში (ძირითადად საყიდლებზე) მოგზაურობა აეკრძალება, როგორც ეს აკრძალული აქვს ანალოგიური განცხადებების სხვა ავტორებს, როგორიცაა, მაგალითად, ვლადიმერ ჟირინოვსკი.