კახა კალაძე: რატომ იყავით ჩუმად ეს წლები?

პოლიტიკა - 21:12, 01 May, 2014

2746

ენერგეტიკის მინისტრი კახა კალაძე, მთავრობის სხდომაზე ფარულ მიყურადებასთან დაკავშირებით, ირაკლი ღარიბაშვილის მიერ გაკეთებულ განცხადებას გამოეხმაურა
"მინდა გამოვეხმაურო მოსმენების შესახებ ბატონ პრემიერს განცხადებას. იმ ქვეყანაში, სადაც ხალხი წლები ჩურჩულით ლაპარაკობდა, სადაც არათუ ისმინებოდა, არამედ ვიდეო და აუდიო ჩანაწერები გროვდებოდა აბსოლუტურად ყველაზე და ამას არანორმალურად მასიური და მაშტაბური სახე ჰქონდა, უბრალოდ უხერხულია მავანის მიერ რაღაც აბსურდული კამპანიის აგორება ფობიური ისტერიით - ვითომ მოსმენები მასიურია და უკანონო.
მინდა ვკითხო ამ ადამიანებს და ორგანიზაციებს - რატომ იყავით ჩუმად ეს წლები? სად იყო თუნდაც მოძრაობა „ეს შენ გეხება“ სად იყო ანალოგიური აქტივობა?! ჩვენი გუნდი - ჩემი მეგობრები, "ქართული ოცნება", მუდამ გამოვდიოდით არა მარტო ფიზიკური, არამედ მორალური და ფსიქოლოგიური ძლადობის წინააღმდეგაც.
ჩვენმა ხელისუფლებამ, ირაკლი ღრიბაშვილის შინაგან საქმეთა მინისტრის პოსტზე ყოფნის პერიოდში, გაანადგურა მთელი ის სამარცხვინო მემკვიდრეობა, რაც წინა ხელისუფლების მიერ იქნა დაგროვილი მოსმენების და თვალთვალის საშუალებით და ამით საზოგადოებას ვანახეთ ჩვენი პოზიცია, ნება და დამოკიდებულება ამ არადემოკრატიული და ადამიანის თავისუფლების შეურაცხმყოფელი მოქმედებების მიმართ. ნებისმიერ თანამედროვე სახელმწიფოში არსებობს კანონი მოსმენების შესახებ. ჩვენი ინიცირებული კანონი არის ისეთი სახის, რომელიც არ აყენებს ჩრდილს ადამიანის, ხელისუფლების და სახელმწიფოს ღირსებას. ეს კანონი ითავლისწინებს სახელმწიფოს და თითოეული მოქალაქის უსაფრთხოების გამო ჩატარებულ კანონით გათვალისწინებულ ქნედებებს და ამ ზღვარს ჩვენი ხელისუფლება, ჩვენი სამართლებრივი სახელმწიფო არასდროს გადავა!",- წერს კახა კალაძე "ფეისბუქის" ოფიციალურ გვერდზე.