ირაკლი ალასანია ჯო ბაიდენს შეხვდა

პოლიტიკა - 19:42, 01 May, 2014

1626

საქართველოს თავდაცვის მინისტრმა ირაკლი ალასანიამ აშშ-ის ვიცე-პრეზიდენტ ჯოზეფ ბაიდენთან შეხვედრა გამართა.

როგორც თავდაცვის სამინისტროში აცხადებენ, შეხვედრა ატლანტიკური საბჭოს კონფერენციის ფარგლებში გაიმართა.

ირაკლი ალასანიამ აშშ-ის ვიცე-პრეზიდენტს მადლობა გადაუხადა ქვეყნის ტერიტორიული მთლიანობის, სუვერენიტეტისა და ნატოში გაწევრიანებისადმი აქტიური მხარდაჭერისათვის. ასევე, თავდაცვის მინისტრმა კიდევ ერთხელ გაუსვა ხაზი აშშ-საქართველოს სტრატეგიული პარტნიორობის მნიშვნელობას.

შეხვედრაზე განიხილეს უკრაინაში მიმდინარე მოვლენები და რუსეთის პოლიტიკა რეგიონში.

ირაკლი ალასანიამ ხაზი გაუსვა აშშ-სა და ევროპის ერთობლივი ძალისხმევის მნიშვნელობას რეგიონში სიტუაციის სტაბილიზაციისა და არსებული გამოწვევების გამკლავებისთვის.
მნიშვნელოვანი ყურადღება დაეთმო საქართველოს ნატოში გაწევრიანების საკითხის განხილვას. ქართული მხრიდან კიდევ ერთხელ გაესვა ხაზი საქართველოსთვის MAP-ის მინიჭებისა და ამ კუთხით აშშ-ის აქტიური მხარდაჭერის აუცილებლობას.
საუბრისას მხარეებმა აშშ-საქართველოს ორმხრივი თანამშრომლობის საკითხებიც განიხილეს. ვიცე-პრეზიდენტმა ხაზი გაუსვა საქართველოში თავდაცვის რეფორმების კუთხით მიღწეულ მნიშვნელოვან პროგრესს. მან ასევე, მადლობა გადაუხადა ქართულ მხარეს ავღანეთში ნატოს IშAF-ის მისიაში კონტრიბუციისათვის. საუბრისას საქართველოში მიმდინარე დემოკრატიული პროცესებიც განიხილეს.