NDI-ის წინასაარჩევნო ანგარიში ხვალ გახდება ცნობილი

პოლიტიკა - 17:19, 01 May, 2014

1366

NDI წინასაარჩევნო გარემოს შესახებ ანგარიშს ხვალ წარადგენს. როგორც ეროვნულ-დემოკრატიულ ინსტიტუტში აცხადებენ, NDI-ის წინასაარჩევნო დელეგაცია ვიზიტის შედეგებზე ხვალ პრესკონფერენციაზე წარმოადგენს.
დელეგაციის წევრები არიან საქართველოში ევროკავშირის დელეგაციის ყოფილი ხელმძღვანელი პერ ეკლუნდი; აშშ-ის წარმომადგენელთა პალატის საერთაშორისო ურთიერთობათა კომიტეტის ყოფილი წევრი და NDI–ის ბორდის წევრი სემ გეჯდენსონი; არჩევნებისა და დემოკრატიის საკითხებში საერთაშორისო ექსპერტი Democracy Reporting International (DRI)-ის და Electoral Reform International Services (ERIS)-დან რობერტ ადამსი; NDI-ის ევრაზიის რეგიონული პროგრამების დირექტორი ლორა ჯუიტი და NDI-ის საქართველოს ოფისის დირექტორი ლუის ნავარო.
დელეგაცია საქართველოს 28 აპრილიდან სტუმრობს, რათა შეაფასოს არჩევნებისთვის მზადების პროცესი, წინასაარჩევნო პროცესში აქტიურად ჩართული ძირითადი სუბიექტების პოლიტიკური აქტივობები და ზოგადი საარჩევნო გარემო ხელისუფლებასთან, საარჩევნო ადმინისტრაციასთან, საპრეზიდენტო კანდიდატებთან, პოლიტიკური პარტიის ლიდერებთან, სამოქალაქო სექტორისა და საერთაშორისო ორგანიზაციების წარმომადგენლებთან შეხვედრების საფუძველზე.
NDI-ის წინასაარჩევნო დელეგაციის ვიზიტი აშშ-ის საერთაშორისო განვითარების სააგენტომ (USAID) დააფინანსა.