ნატოს გენერალური მდივნის სპეციალური წარმომადგენლის ჯეიმს აპატურაის თქმით, „საქართველო იღებს ისეთ კანონებს, რომელიც ამ ქვეყნის იურიდიულ ჩარჩოებს პატივს სცემს“.

აპატურაის თქმით, ნატო-ს მოკავშირე ქვეყნებისთვის უმცირესობის დაცვა უმნიშვნელოვანესი ღირებულებაა.

„ნატო-ს პოზიცია გენერალურმა მდივანმა უკვე დააფიქსირა და მე გავიმეორებ. ამ პოზიციას ორი მიმართულება აქვს. საქართველო იღებს ისეთ კანონებს, რომელიც პატივს სცემს საქართველოს იურიდიულ ჩარჩოებს და ჩვენ არ გვინდა ჩავერიოთ. ნატო-ს წევრ ქვეყნებშიც კი არ ვერევით ასეთ საკითხებთან დაკავშირებით, მაგრამ აბსოლუტურად რელევანტურია, რომ უმცირესობების დაცვა უმნიშვნელოვანესი ღირებულებაა ნატო-ს მოკავშირე ქვეყნისთვის. უმნიშვნელოვანესია წევრი ქვეყნებისთვის, რომ უმცირესობების დაცვას ადგილი ჰქონდეს როგორი უმცირესობაც არ უნდა იყოს – ნაკლებად თუ მეტად პოპულარული. ეს ის ღირებულებაა, რომელსაც ძალიან მაღალ დონეზე ვაყენებთ. ნატო-ს და მის მოკავშირეებს სურთ დაინახოს, რომ ნაბიჯები გადადგმულია იმ უმცირესობების დასაცავად იმ ქვეყნებში, რომლებიც ნატო-სკენ მიისწრაფიან“, - განაცხადა აპატურაიმ.