გურამ შარაძის შვილი რუსუდან შარაძე „ფეისბუქზე“ საპროტესტო აქციას აანონონსებს.

პროტესტის მიზეზი გურამ შარაძის მკვლელობის გამოუძიებლობაა. როგორც რუსუდა შარაძე წერს, აქცია 20 მაისს, გურამ შარაძის გარდაცვალებდან 7 წლის თავზე გაიმართება.

„ადრე ვთქვი - როგორც არ უნდა წავიდეს საქმე, რა წინააღმდეგობაც არ უნდა შემხვდეს მამაჩემის მკვლელობის საქმეში, ჩემს სიცოცხლეში ბიძინა ივანიშვილზე ძვირს არ ვიტყვი, რადგან მამაჩემის მკვლელები ხელისუფლებიდან მოაშორა! ამის იმედი მაშინდელი გამყიდველი ოპოზიციის, გაუბედურებული, გაყიდული და სულში ჩაფურთხებული ხალხის შემხედვარეს, გადაწურული მქონდა. ამ პირობას ვასრულებ და სიკვდილამდე შევასრულებ.

იგივეს ვეღარ ვიტყვი ხელისუფლებაზე, რომელიც დღეს საყდრისს ანგრევს და მამაჩემის მკვლელობის საქმეზე თითს თითზე არ აკარებს.

ერთ კვირაში თბილისში ვიქნები. ვფიქრობ, მთავარი პროკურორი უარს არ მეტყვის შეხვედრაზე. ვიმედოვნებ, რომ პასუხი დამაკმაყოფილებს. ყველა შემთხვევაში, ვაპირებ აქციების გამართვას, მით უმეტეს, რომ 20 მაისს მამაჩემის მკვლელობიდან 7 (!) წელი სრულდება. ვისაც სურვილი გაქვთ, შემომიერთდით," - წერს რუსუდან შარაძე.