ნატო-ს გენერალური მდივნის სპეციალურმა წარმომადგენელის კავკასიასა და ცენტრალურ აზიაში ჯეიმს აპატურაის თქმით, ჩრდილოატლანტიკური ალიანსი საქართველოს მიერ მიღწეულ პროგრესს აღიარებს.

როგორც „რუსთავი 2“-თან საუბარში აპატურაიმ განაცხადა, საქართველოს პრემიერთან და პრეზიდენტთან დაგეგმილ შეხვედრაზე ქვეყნის მიერ მიღწეულ პროგრესზე ისაუბრებს.

“ჩამოვედი ნაკლები მესიჯით და უფრო მეტი საკითხების განსახილველად. ივნისის ბოლოს ნატო-ს მინისტრიალი გაიმართება, რომელზეც განიხილება ასპირანტი ქვეყნების, მათ შორის, საქართველოს მიერ მიღწეული პროგრესი. დღევანდელ შეხვედრებზე პრემიერთან, პრეზიდენტთან და მინისტრებთანაც სწორედ რეფორმების საკითხსა და ჩვენს თანამშრომლობაზე ვისაუბრებთ. წინასწარ ვერ ვიტყვი, თუ რა შედეგით დასრულდება ნატო-ს სამიტი. რაც შეეხება მინისტერიალს, ჩვენ სწორედ ამ შეხვედრაზე მოვამზადებთ შეფასებას რეფორმებზე, თუმცა გვექნება პოლიტიკური დისკუსიებიც. ჩვენს დავალებას შევასრულებთ. სექტემბერში კი სამიტზე გადაწყვეტილებების მიღებას ველით”, - განუცხადა აპატურაიმ ტელეკომპანია “რუსთავი 2”-ს.

აპატურაის თქმით, საქართველოს მიერ შეტანილ წვლილს საერთაშორისო ოპერაციებში მათი მოკავშირეებიც ადასტურებენ.

“ამასთან, ისინი ხედავენ, თუ როგორ უახლოვდება საქართველო ნატო-ს. ეს სახეზეა და ყველა აღიარებს”, - განაცხადა აპატურაიმ.