პრემიერ-მინისტრი მედიის წარმომადგენლებს მოუწოდებს, მაქსიმალურად სწორი და ობიექტური ინფორმაცია მიაწოდონ მოსახლეობას.

ირაკლი ღარიბაშვილმა ჟურნალისტებთან საუბარში პოლიტიკოსებსაც მიმართა და მათ მოუწოდა, განცხადებებს უფრო მეტი პასუხისმგებლობით მოეკიდონ.

"მინდა მოგიწოდოთ ყველას, განსაკუთრებით მედიას, რომ მაქსიმალურად სწორი და ობიქეტური ინფორმაცია მიაწოდოთ მოსახლეობას, რადგან გარკვეული სპეკულაციები წავიდა. ჩვენ უკვე ვხედავთ ამ ტენდენციებს. განსაკუთრებით მინდა მივმართო პოლიტიკოსებს, რომლებსაც უფრო მეტი პასუხისმგებლობა ეკისრებათ და მათ მიერ გაკეთებული განცხადებები ძალიან სენსიტიურად არის აღქმული მოქალაქეების მხრიდან", - განაცხადა ირაკლი ღარიბაშვილმა.