შინაგან საქმეთა სამინისტრო არასრულწლოვნის გაუპატიურების ფაქტზე დაკავებული ერაყელი მოქალაქის გათავისუფლების ფაქტს უარყოფს.

შს სამინისტროს პრესსამსახურის უფროსის ნინო გიორგობიანის ინფორმაციით, აღნიშნულ დანაშაულში ბრალდებული ერაყის სამივე მოქალაქე დაკავებულია.

„გავრცელებული ინფორმაცია იმის შესახებ, რომ არასრულწლოვნის მიმართ ჩადენილი სექსუალური ხასიათის ძალმომრეობითი მოქმედების ფაქტზე დაკავებული ერაყის ერთ-ერთი მოქალაქე გათავისუფლებულია, სიმართლეს არ შეესაბამება. აღნიშნულ დანაშაულში ბრალდებული ერაყის სამივე მოქალაქე დაკავებულია“, - წერს ნინო გიორგობიანი „ფეისბუქზე“.

პოლიტპატიმრის სტატუსით გათავისუფლებული, შოთა აფხაიძის ინფორმაციით, აღნიშნული პირი საქართველოში აშშ-ის ელჩის რიჩარდ ნილანდის დაჟინებული მოთხოვნით გაათავისუფლეს.