საგარეო საქმეთა ყოფილი მინისტრი გრიგოლ ვაშაძე ანტიდისკრიმინაციული კანონპროექტის გარშემო ატეხილ აჟიოტაჟს „ფეისბუქზე“ ეხმაურება.

ვაშაძე მიიჩნევს, რომ ხელისუფლებას ეს „ექსერსისი“ ეკონომიკური და პოლიტიკური კრიზისიდან ყუადღების გადასაანად დასჭირდა.

„საქართველოში არ ვიმყოფებოდი და ანტიდისკრიმინაციული კანონის გარშემო ატეხილი "ქარიშხალი" გამომრჩა. დღეს ვნახე და წავიკითხე ყველაფერი.

რამდენიმე მოსაზრება თქვენის ნებართვით.

კონსტიტუციური ნორმების "კონფირმაცია" ახალი კანონის მეშვეობით სამართლებრივი იდიოტიზმია.

ხელისუფლებას ეს ექზერსისი დასჭირდა თავისი დიდი მცდელობით გამოწვეული ეკონომიკური და პოლიტიკური კრიზისიდან ყურადღების სხვა საგანზე გადატანისთვის.

წელიწადნახევარში "მოახერხეს" საქართველოს რეფორმების, თავის თავის და ქართული ეკლესიის დისკრედიტაცია. ცოტა დარჩათ ქვეყნის სრულ დისკრედიტაციამდე. მოვიდნენ ზიზღის იდეოლოგიით. შედეგად მიიღეს სახელმწიფოს და საზოგადოების დეზორგანიზაცია“, - წერს ვაშაძე.