საგარეო საქმეთა მინისტრი მიიჩნევს, რომ ანტიდისკრიმინაციული კანონის მიღება ყველა ცივილიზებული ქვეყნისათვის აუცილებელია.

ამის შესახებ მაია ფანჯიკიძემ ჟურნალისტებთან საუბრისას განაცხადა.

"მე ვეთანხმები და მხარს ვუჭერ ამ კანონის მიღებას. იგი არის აუცილებელი ყველა ცივილიზებული ქვეყნისთვის, რადგან სახელმწიფო მოვალეობაა დაიცვას ყველა ადამიანის უფლება, მათ შორის უმცირესობების, როგორი სახის უმცირესობებსაც არ უნდა განეკუთვნებოდნენ ისინი", - განაცხადა მაია ფანჯიკიძემ.

ანტიდისკრიმინაციული კანონის პროექტის მიხედვით, იკრძალება ნებისმიერი ნიშნით დისკრიმინაცია, მათ შორის ისეთი ნიშნებით, როგორიცაა: ასაკი, ჯანმრთელობის მდგომარეობა, შეზღუდული შესაძლებლობა, სექსუალური ორიენტაცია, გენდერული იდენტობა, პროფესია.