ექსპერტი ხათუნა ლაგაზიძე „ფეისბუქზე“ ბიძინა ივანიშვილის კუთვნილებაში მყოფი რამდენიმე დაწესებულების ხელისუფლების საკუთრებაში გადაცემას ეხმაურება.

მისი თქმით, მთავარია ხელისუფლებამ ყოფილი პრემიერის მიერ გადაცემული „სანერგე მეურნეობა თუ საჩხერელის ჯანმრთელობას“ კარგად მიხედოს.

„მოდით რა, ადამიანებო ვისწავლოთ ყველაფერისთვის თავის სახელის დარქმევა: სიკეთეს ქვია სიკეთე და ბოროტებას ბოროტება, ქველმოქმედებას - ქველმოქმედება; ხელისუფლების გარეთ ყოფნა სხვა ვალდებულებებს წარმოშობს და ხელისუფლებაში ყოფნა კიდევ - სხვას. ააშენა ივანიშვილმა სანამ ხელისუფლებაში მოვიდოდა უფასო სამედიცინო დახმარების ცენტრები და საავადმყოფოები? აშენა. გადმოცემით არ ვიცი: ურეკში სანატორიუმი გვაქვს და გადაუდებელი სამედიცინო დამხარებისას, როცა შემთხვევა ჩვენი მედპერსონალის კომპეტენციის სფეროს ცდებოდა, საჭიროების შემთხვევაში პაციენტი ყოველთვის აჭარა-გურიის საზღვარზე მდებარე "ივანიშვილის" სასწრაფო დახმარების ცენტრში გადაგვყავდა და ამ წლების მანძილზე 4 ადამიანს მათი დამსახურებით შევუნარჩუნეთ ჯანმრთელობა და სიცოცხლეც. რა დაშავდა იმით, თუ ახლა თავისივე მოყვანილ ხელისუფლებას გადასცა საპატრონოდ (როგორ მიხედავენ ეს ცალკე საკითხია) თავისი სანერგე მეურნეობა თუ საჩხერელის ჯანმრთელობა?! კაცმა რომ თქვას, ჩემი და თქვენი შვილები თუ სახელმწიფო დაზღვევის პროგრამით (სხვა საკითხია, რამდენად სრულყოფილია ეს დაზღვევა) სარგებლობენ, განსხვავდებიან რამით საჩხერელი ბავშვებისგან?! არა დისკრიმინაციას და სეგრეგაციას, მათ შორის ჯანმრთელობის სფეროშიც ნუ გავაუფასურებთ კრიტიკას: ახლა მთავარი ის არის, ივანიშვილის მიერ "აღმა ხნული" ხელისუფლებამ "დაღმა არ ფარცხოს“, - წერს ლაგაზიძე.