კანონი, რომლის მიღება არმიღებამ აზრთა სხვადასხვაობა და უმრავლეობის დაპირისპირება გამოიწვია, კვლავ განსჯის საგნად რჩება. – „ეს კანონი არანაირ ცოდვას არ აკანონებს“, - ამბობს ნიკა რურუა და ანტიდისკრიმინაციულ კანონთან დაკავშირებით ,,ფეისბუქის" გვერდზე შემდეგი სახის სტატუსს აქვეყნებს.

ნიკა რურუა: „ანტიდისკრიმინაციული კანონის მიღება არის წყალგამყოფი ველურ, ბნელ და ფარისეველ საქართველოსა და ნელი ნაბიჯით, მაგრამ საკუთარ ძალებში დარწმუნებულ, არაინფანტილურ და უფრო ნორმალური ცხოვრებისკენ მიმავალ საქართველოს შორის. ჩვენ საკუთარ სახესა და ვინაობას ვერავინ და ვერაფერი წაგვართმევს, საკუთარი ფანატიზმისა და გონებაშეზღუდულობის გარდა, რაც სისუსტის და სიმხდალის ნიშანი უფროა, ვიდრე სიმტკიცისა და სიძლიერის. ეს კანონი არანაირ ცოდვას არ აკანონებს - ის უსაფუძვლო და უსამართლო ჩაგვრას კრძალავს მხოლოდ, რაც ყველა ცივილიზებულ ერში აკრძალულია. ირაციონალური შიშებისგან დროა განვთავისუფლდეთ და ნამდვილი მტერი დავინახოთ - პუტინის რუსეთი. და მოვრჩეთ კუდიანებზე ნადირობაში ენერგიის ხარჯვას“.