,,რეგიონული განვითარების სამინისტროს ბიუჯეტი 200 მილიონი ლარით "გაირღვა"

პოლიტიკა - 13:11, 30 Apr, 2014

872

,,რეგიონული განვითარებისა და ინფრასტრუქტურის სამინისტროს ბიუჯეტი 200 მლიონთ ,,გაირღვა", – ამის შესახებ პარლამენტის პლენარულ სხდომაზე ოპოზიციონერმა დეპუტატმა ზურაბ ჯაფარიძემ განაცხადა და შესაბამისი ციფრები 2013 წლის ბიუჯეტის შესრულების ანგრიშზე დაყრდნობით წარმოადგინა.

,,რამდენიმე სექტორია, სადაც ბიუჯეტი სერიოზულად გაირღვა. ყველაზე მნიშვნელოვანია რეგიონული განვითარებისა და ინფრასტრუქტურის სამინისტროს ბიუჯეტი, რომელიც 900-მილიონი ლარით დაიგეგმა. რამდენიმე თვის შემდეგ ბატონმა ნარმანიამ გადაწყვიტა, რომ მეტის დახარჯვას, მეტის გაკეთებას შესძლებდა და ბიუჯეტი 1-მილიარდ ლარამდე გაიზარდა. საბოლოოდ, ჩასწორებული ბიუჯეტი წლის ბოლოს 200 მილიონი ლარით "გაირღვა". ეს იმას ნიშნავს, რომ ნარმანიამ თავიდან ბიუჯეტი სწორად ვერ დაგეგმა და კიდევ უფრო უარესი - რამდენიმე თვის შემდეგ იმის მაგივრად, რომ ბიუჯეტი 100-მილიონით შეემცირებინა, პირიქით, გაზარდა. რეგიონებში მუნიციპალური რეაბილიტაციისთვის გამოყოფილი ბიუჯეტი 55 მილიონი ლარით "გაირღვა" და შესრულდა მხოლოდ 70%-ით. სოფლის მხარდაჭერის პროგრამისათვის გამოყოფილი იყო 50-მილიონი და შესრულდა ნული პროცენტი, ანუ დაიხარჯა ნული ლარი. ასევე ნული ლარი დაიხარჯა რეგიონული ინფრასტრუქტურის განვითარებაზე, მაგრამ გამოყოფილი იყო ნახევარი მილიარდი", - განაცხადა ჯაფარიძემ პარლამენტის პლენარულ სხდომაზე და მმართველ გუნდს ურჩია, "წარმოდგენილი ანგარიშის მიხედვით, ყურადღება გაამახვილონ რისი გაკეთების უნარი აქვს მათი მხრიდან თბილისის მერის პოსტზე დასახელებულ კანდიდატს".

ჯაფარიძემ ის ციფრებიც დაასახელა, რომელიც დეპუტატის თქმით, განათლებისა და ჯანდაცვის სექტორის საბიუჯეტო გარღვევას ასახავს.