უმცირესობის დეპუტატი გოგა ხაჩიძე „ფეისბუქზე“ მთავრობის და პარლამენტის წევრების განცხადებებს ეხმაურება, სადაც მის ექსპერიმენტს „არასერიოზულად“ აფასებენ.

„როდესაც ქვეყნის უმაღლესი საკანონმდებლო ორგანოს დეპუტატებს უკანონოდ უსმენენ, ეს "არასერიოზულია".

არაუშავს, კარგია რომ პარლამენტშიც და კანცელარიაშიც სერიოზული თემები განიხილება.

ბუსუსებიანი პრეზერვატივები; მეხრესა და ათი ძროხის კანონი; ჩოხა-ახალუხით და ქამარ-ხანჯლით, პარლამენტში სიარულის საკანონმდებლო ნორმა; აქეთ, მთავრობაში, მიშაზე ბოღმის ნთხევა და ნაციონალებზე ჭორაობა; საქეიფო მენიუების შედგენა და პრეზენტაცია; ჰაკიმ ფაშას და ჩოკუტაევების სახელით ვიდეოების ატვირთვა. აი, შენ გენაცვალე ჩემი ქვეყნის პარლამენტო და მთავრობავ, შიგ სერიოზულობაში! შალახო! თუ შეიძლება...“, - წერს ხაჩიძე