საპარლამენტო უმცირესობის წევრი გოგა ხაჩიძე პრემიერის იმ განცხადებას გამოეხმაურა, სადაც პრემიერმა უმცირესობის წევრის ექსპერიმენტს არასერიოზული უწოდა.

"ოღონდ თქვენ წარმოებასა და ბიზნესზე ფიქრი დაიწყეთ და მე ჭირსაც წავუღივარ.

უფ, ძლივს არ ავაფიქრე სწორ რაღაცეებზე", - მიიჩნევს ხაჩიძე.

პრემიერმინისტრმა ირაკლი ღარიბაშვილმა გოგა ხაჩიძის ექსპერიმენტს არასერიოზული უწოდა.

„არასერიოზულია, რომ ხაჩიძის რაღაც სპექტალებს ამხელა ყურადღებას უთმობთ, – ეს ძალიან ცუდია თქვენთვის, ჟურნალისტებისთვის, პირველ რიგში. მთელი დღე ატრიალებთ ნეგატიურ ინფორმაციებს, თითქოს ქვეყანაში არაფერი ხდება. თქვენ გოგა ხაჩიძეზე იფიქრეთ და მე წარმოებასა და ბიზნესზე ვიფიქრებ“, – განაცხადა პრემიერმა მედიის წარმომადგენლების კითხვის საპასუხოდ.