სალომე ზურაბიშვილი - ივანიშვილის ქონება სააკაშვილთან რა შუაშია

სოც.მედია - 22:23, 23 Apr, 2014

2990

პარტია "საქართველოს გზის" საპატიო ლიდერი სალომე ზურაბიშვილი სააკაშვილის იმ განცხადებას გამოეხმაურა, სადაც ექსპრეზიდენტმა განაცხადა, რომ ამერიკელები ივანიშვილს სანქციების დაწესებით დაემუქრნენ.
"ვისაც გჯერათ, რომ ამერიკელები ხელისუფლებას დაემუქრენ ივანიშვილის ქონების დაყადაღებით (თან დეტალები რომ ვრცელდება საგარეო საქმეთა მინისტრს დაურეკეს, წერილი გადასცა ელჩმა და ასე შემდეგ...) ცოტა დაფიქრდით ამისი ლოგიკა სადაა ან რამდენად ჯდება ეს ამერიკულ ქცევის ნორმებში!....
პუტინმა დამოუკიდებელ ქვეყნის ტერიტორია უმიზეზოდ და ცივ სისხლიანად მიიტაცა და შეიერთა, დაარღვია მთავარი საერთაშორისო სამართლის კანონები რაზედაც დგას დღევანდელი მსოფლიო და პირველ რიგში ევროპა, ამის მერე აგრძელებს დესტაბილიზაციას უკრაინისა ჟენევაში მიღწეულ შეთანხმების მიუხედავად... და ჯერ სერიოწული ზომები ქონების დაყადაყების მიმართულებით არც ამერიკას და არც ევროპას არ მიუღია .... და ეხლა სააკაშვილის დაკითხვაზე დაბარების გულისთვის ვენებს გადაიჭრიან????
თან ივანიშვილის ქონება რა შუაშია - ის ხომ დღეს ჩვეულებრივი მოქალაქეა და არ ატარებს არანაირ კანონიერ პასუხისმგებლობას ხელისუფლების მიერ გადადგმულ ნაბიჯებზე - და ამერიკლებმა - ძალიანც რომ უნდოდეთ - კანონის გვერდის ავლით და სამართლებრივ საფუძვლის გარეშე ასეთ ნაბიჯს ვერ გადადგამენ და ადმინისტრაცია ამითი ვერც დაემუქრება ვინმეს.
ამიტომ ეს მხოლოდ მიშას ბოდვაა, მაგრამ საკითხავია რატომ ვრცელდება ეს ვერსია და ატაცებულია ამგვარად? როგორც სჩანს ვიღაცეებს სურთ დაგვაჯერონ, რომ სააკაშვილს არ უნდა მოვთხოვოთ არანაირი პასუხი და ამავე დროს დაგვარწმუნონ იმაშიც (და ეს ძალიან დამაფიქრებელია თავისთავად), რომ მორალურად უსამართლო და პოლიტიკურად გაუმართლებელი პოზიცია დასავლეთის დაჟინებული მოთხოვნის ბრალი და სედეგია და არა შიდა პოლიტიკური ნების არ არსებობისა!
ანუ დასავლეთზე საზოგადოების თვალში ამითი კიდევ ერთი დარტყმა ხორციელდება ! იმ დროს სწორედ როცა საგარეო საფრთხეები იზრდება და ყველაზე უფრო მჭიდრო მხარდაჭერას უნდა ვამყარებდეთ თავისუფალ სამყაროსთან!" - მიიჩნევს სალომე ზურაბიშვილი.