,,რა შუაშია "ჩემი მეგობარი" ნარმანია..."

სოც.მედია - 09:26, 23 Apr, 2014

2259

პარტია „საქართველოს გზის“ საპატიო ლიდერი სალომე ზურაბიშვილი საქართველოს პრეზიდენტის იმ განცხადებას ეხმაურება, სადაც მარგველაშვილი ამბობს, რომ საკუთარი პოლიტიკური გუნდის შექმნას არ აპირებს.

„მიხარია ის, რომ მარგველაშვილმა მაინც გაიგო, რომ შიდა ქიშპობა არ ვარგა და პრეზიდენტი და მთავრობა ერთ საქმეს უნდა აკეთებდნენ - ანუ სახელმწიფოს აშენებდნენ და ამაგრებდნენ და არა ძალაუფლებაში ერთმანეთს ეცილებოდნენ! ახლა საინტერესოა მეორე მხარე ამას როგორ უპასუხებს?

მაგრამ ერთი, მაგრამ მაინც არის: რა შუაშია "ჩემი მეგობარი" ნარმანია....
მერს ვირჩევთ, რომ ივარგოს და არა მეგობრული ნიშნით!
მერს ვირჩევთ, რომ თბილისი გადაარჩინოს და არა მეგობრული ნიშნით!
მერს ვირჩევთ, რომ თბილისს მისი რეგიონული მნიშვნელობა დაუბრუნოს და არა მეგობრული ნიშნით!

სანამ ამას არ შევეშვებით - მეგობრობების და პოლიტიკის, სიყვარულის და პოლიტიკის, მოწონება არ მოწონების და პოლიტიკის ერთმანეთში აღრევას - ალბათ კიდევ დიდხანს თანამედროვე სახელმწიფოს აშენებაზე ზედემეტი იქნება საუბარი“, - წერს სალომე ზურაბიშვილი „ფეისბუქის“ საკუთარ გვერდზე.

რამდენიმე დღის წინ, გიორგი მარგველაშვილმა „მესტროს“ ეთერში განაცხადა, რომ იგი პოლიტიკური კომენტატორი არაა, რომ პოლიტიკური გუნდების განლაგების სიმყარეზე იმსჯელოს, მისი თქმით, ეს ექსპერტების საქმეა.

„არანაირი ალტერნატიული ძალის ჩამოყალიბებაზე არც მიფიქრია და არც მიმაჩნია სწორად. მეტიც, ძალიან მინდა, თვითმმართველობის არჩევნებში ღიად მხარი დავუჭირო ჩემს მეგობარ დავით ნარმანიას", - აღნიშნა გიორგი მარგველაშვილმა.