ეროვნული სააგენტოს თავმჯდომარის ლევან დავითაშვილის ინფორმაციით, ქართულ ღვინოზე სანიტარული კითხვები ევროკავშირის მხრიდან არ არსებობდა.

მისი თქმით, საქართველოში გაცემული სერთიფიკატები სრულად აღიარებულია ევროკავშირის მხრიდან.

"ჩვენი აკრედიტებული ლაბორატორიები, რომლებსაც აქვთ საერთაშორისო აკრედიტაცია, ცნობილია ევროკავშირშიც. ჩვენთან გაცემული სერთიფიკატები სრულად აღიარებულია ევროკავშირის მხრიდან. არანაირი შეფერხება რ ყოფილა არც მანამდე. შესაბამისად, ღრმა და ყოვლისმომცველი სავაჭრო შეთანხმების ხელმოწერის შემდეგ, ეს ურთიერთობები კიდევ უფრო ინტენსიური გახდება და ის მინიმალური გადასახადი, რაც არის, მოიხსნება. თუმცა რაიმე სხვა ტექნიკური შეფერხება არც ყოფულა და ამ კუთხით მდგომარეობა ვერც გაუმჯობესდებოდა", -განაცხადა დავითაშვილმა.