თარგამაძე მერაბიშვილს - "ცოტაც დაისვენე, ვანო, ცოტაც“

სოც.მედია - 10:28, 15 Apr, 2014

1923

დღეს შინაგან საქმეთა ყოფილი მინისტრის ვანო მერაბიშვილის დაბადების დღეა. ყოფილ მინისტრს მეგობრები და კოლეგები „ფეისბუქის“ საშუალებით ულოცავენ.
„დღეს ჩემი დიდი ხნის მეგობრისა და თანამებრძოლის, საქართველოს ცივილიზებული მომავლისთვის თავგამოდებული მებრძოლის, ქართული სახელმწიფო ინსტიტუტების ერთ-ერთი შემქმნელისა და დამმკვიდრებლის, უბრალოდ კარგი ადამიანის, ვანო მერაბიშვილის დაბადების დღეა. დღეიდან სამი თვის განმავლობაში ის ჩემზე უფროსი იქნება და რამე ჭკვიანურს თუ იტყვის, დავუჯერებ:) მის ოჯახს, დათუნას, მიშოს და თაკოს ვუსურვებ ჯანს და მოთმინებას.
ვანოს ვუსურვებ, კარგად დაისვენოს, რაც, მე მაინც ვიცი, მრავალი წელია არ გაუკეთებია. ვიცი, რომ ჩემი სურვილის გარეშეც, ამ დროს მაქსიმალურად გამოიყენებს განვლილი გზის ანალიზისთვის და ჩვენზე მშვიდ გარემოში დაგეგმავს სამომავლო ნაბიჯებს.
მალე გათავისუფლებას არ ვუსურვებ, რადგან ასეთი სურვილი იმის ნიშანი იქნებოდა, რომ ვზივარ და ველოდები, ეს როდის მოხდება, მე კი არ ვზივარ და არ ველოდები. ჰაკიმ-ფაშამ და მისმა ტურებმა მშვენივრად იციან, რომ მეგობრის მიმართ ბინძურ ქმედებებს არ ვაპატიებ. ფარცხალაძემ ეს პირველმა შეიგრძნო. ასე რომ, ცოტაც დაისვენე, ვანო, ცოტაც“,- წერს გივი თარგამაძე „ფეისბუქის“ გვერდზე.

ნინა შადური