უეფა-ს რეკომენდაციით, ფეხბურთის ფედერაციის სადისციპლინო კომიტეტმა საეჭვო მატჩებში მხილებულ კლუბებს სანქციები დაუწესა.

ეს ეხება 2010 და 2013 წლებში გამართულ მატჩებს.

უეფა-ს დასკვნის თანახმად, ეს გუნდებია: ბოლნისის "სიონი", რუსთავის "მეტალურგი", მარტვილის "მერანი", ფოთის "კოლხეთი" და გორის "დილა".

საეჭვო მატჩების სიაში "მეტალურგი" და "კოლხეთი" სამ-სამჯერ, "დილა" და "მერანი" - ოთხ-ოთხჯერ, ხოლო "სიონი" - ხუთჯერ მოხვდა.

შესაბამისად, ფეხბურთის ფედერაციის სადისციპლინო კომიტეტმა საფეხბურთო კლუბი "სიონი" 25 ათასი ლარით, "დილა" და "მერანი" 23-23 ათასი ლარით, ხოლო "მეტალურგი" და "კოლხეთი" 20-20 ათასი ლარით დააჯარიმა.